ՎՍՀ-ում ՀՀ դեսպան Վահրամ Կաժոյանի հանդիպումները Խան Հոա նահանգի ժողովրդական կոմիտեի նախագահ Նգույեն Թան Թուանի և Նյա Չանգ քաղաքի ժողովրդական կոմիտեի նախագահ Նգույեն Սի Խանի հետ։

19 հունիսի, 2023

Ս․թ․ հունիսի 19-ին ՎՍՀ-ում ՀՀ դեսպան Վահրամ Կաժոյանը Խան Հոա կատարած աշխատանքային այցի շրջանակներում հանդիպեց Խան Հոա նահանգի ժողովրդական կոմիտեի նախագահ պարոն Նգույեն Թան Թուանի և Նյա Չանգ քաղաքի ժողովրդական կոմիտեի նախագահ պարոն Նգույեն Սի Խանի հետ։

Հանդիպման ընթացքում կողմերը քննարկեցին Հայաստանի և Վիետնամի միջև երկուստեք հետաքրքրություն ներկայացնող՝ մասնավորապես առևտրա-տնտեսական, զբոսաշրջային և հանքարդյունաբերության ոլորտներում համագործակցության հետագա զարգացումը և խորացումը, իրավապայմանագրային դաշտի ընդլայնումն ու այլ հարցեր։

Հանդիպուման ժամանակ դեսպան Կաժոյանը կարևորեց Հայաստանի մարզերի և Վիետնամի նահանգների միջև համագործակցության հետագա զարգացումը և խորացումը՝ նշելով, որ այն նոր խթան կարող է հաղորդել երկու երկրների միջև հարաբերությունների հետագա խորացմանը։

Խան Հոա նահանգի ժողովրդական կոմիտեի նախագահ պարոն Նգույեն Թան Թուանը և Նյա Չանգ քաղաքի ժողովրդական կոմիտեի նախագահ պարոն Նգույեն Սի Խանը ընդգծեցին նաև երկու երկրների նահանգների միջև համագործակցության հետագա զարգացման անհրաժեշտությունը և առաջարկեցին հայ գործարարներին դիտարկել Խան Հոա նահանգի առավել զարգացած ոլորտներում՝ մասնավորապես տեքստիլ և հանքարդյունաբերական ոլորտներում ներդրումներ կատարելու հնարավորությունը։

Հանդիպման ժամանակ զրուցակիցները նաև քննարկեցին Հայաստանի որևէ քաղաքի և Նյա Չանգի միջև քույր-քաղաքների համաձայնագրի ստորագրման հնարավորությունը։

Պաշտոնական հանդիպումից հետո դեսպան Կաժոյանը հյուրընկալեց երկու նախագահներին և նահանգային դեպարտամենտների ղեկավարներին աշխատանքային ճաշի Նյա Չանգի «Արմենիա» ռեստորան՝ հայկական խոհանոցի և մշակույթի հետ ծանոթանալու նպատակով:

Խան Հոա նահանգի ժողովրդական կոմիտեի նախագահ պարոն Նգույեն Թան Թուանի և Նյա Չանգ քաղաքի ժողովրդական կոմիտեի նախագահ պարոն Նգույեն Սի Խանի հետ հանդիպմանը մասնակցում էին նաև ՀՀ դեսպանի օգնական տիկին Նգույեն Թան Թամը և Խան Հոա նահանգի ծրագրավորման և ներդրումների դեպարտամենտի տնօրենի տեղակալ պարոն Դոան Քուանգ Հույը, զբոսաշրջության դեպարտամենտի տնօրենի տեղակալ պարոն Քունգ Հույն Անը, արտաքին կապերի դեպարտամենտի տնօրենի տեղակալ պարոն Հույն Մոնգ Գիանգը և այլ բարձրաստիճան պաշտոնյաներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր